युरोपियम(III) ऑक्साइड

युरोपियम(III) ऑक्साइड (Eu2O3)युरोपियम ऑक्साईड हे युरोपियम आणि ऑक्सिजनचे एक रासायनिक संयुग आहे. युरोपियम ऑक्साईडला युरोपिया, युरोपियम ट्रायऑक्साईड अशी इतर नावे देखील आहेत. युरोपियम ऑक्साईडचा रंग गुलाबीसर पांढरा असतो. युरोपियम ऑक्साईडच्या दोन वेगवेगळ्या संरचना आहेत: क्यूबिक आणि मोनोक्लिनिक. क्यूबिक संरचनेचा युरोपियम ऑक्साईड हा मॅग्नेशियम ऑक्साईडच्या संरचनेसारखाच असतो. युरोपियम ऑक्साईडची पाण्यात विद्राव्यता नगण्य आहे, परंतु ते खनिज आम्लांमध्ये सहज विरघळते. युरोपियम ऑक्साईड हा एक उष्णता-स्थिर पदार्थ आहे, ज्याचा वितळणांक २३५० अंश सेल्सिअस आहे. युरोपियम ऑक्साईडचे चुंबकीय, प्रकाशीय आणि प्रकाशमान गुणधर्म यांसारखे बहु-कार्यक्षम गुणधर्म या पदार्थाला खूप महत्त्वाचे बनवतात. युरोपियम ऑक्साईडमध्ये वातावरणातील ओलावा आणि कार्बन डायऑक्साइड शोषून घेण्याची क्षमता असते.